स्वास्थ्य सुरक्षमा ध्यान नपुर्याइ काठमाडौंको बिध्यालय मा पठनपाठन

८ फागुन, काठमाडौं ।

देशभरका विद्यालयमा विद्यार्थीको भौतिक उपस्थितिमा पठनपाठन सुरु भएको छ । विश्व स्वास्थ्य संगठन (डब्लुएचओ)ले कोरोना भाइरस संक्रमणबाट जोगिन भौतिक दुरी कायम गर्न, मास्क लगाउन, समय–समयमा साबुनपानीले हात धुन, सेनिटाइजर प्रयोग गर्ने जस्ता सामान्य स्वास्थ्य सुरक्षा मापदण्ड पालना गर्न सुझाव दिए पनि नेपालमा भने लागुहुन सकेको छैन ।

बजार, सार्वजनिक यातायात र विद्यालयहरू समेत खुल्न थालेपछि भौतिक दुरी कायम गर्नु भने कठिन बन्दै गएको छ ।

नेपालीहरूले मास्क प्रयोगबाहेक स्वास्थ्य सुरक्षाको अन्य मापदण्ड पालना गरेको देखिदैन । धमाधम खुले रहेका विद्यालयहरूमा पनि त्यही अवस्था छ । पूर्ण सञ्चालित विद्यालयहरूमा स्वास्थ्य सुरक्षाको मापदण्ड पालना गराउन सम्भव नहुने प्रधानाध्यापक तथा शिक्षकहरू बताउँछन् ।

गैर–सरकारी संस्था टिच फर नेपालका अध्यक्ष शिशिर खनाल काठमाडौं उपत्यका बाहिरका विद्यालयहरूमा त अहिले कोराना महामारी चलेको छ भन्ने अनुभूति नै नभएको बताउँछन् । ‘माहोल हेर्दा कोरोना भाइरस नै छैन भन्ने जस्तो लाग्छ’, दाङमा रहेका उनले अनलाइनखबरलाई टेलिफोनमा भने, ‘सरकारले तत्काल अध्ययन गरेर सचेतना फैलाउन अत्यावश्यक देखिन्छ ।’