सात वर्षपछि बेलको गोल र असिस्ट

ग्यारेथ बेलले सात वर्षपछि इङ्ग्लिस क्लब टोटनह्याम हटस्परका लागि एकै खेलमा गोल र असिस्ट गरेका छन् ।

युइएफए युरोपा लिगमा बिहीबार राति टोटनह्यामले अष्ट्रियन क्लब वुल्फस बर्गरमाथि जित निकालेको थियो । अन्तिम ३२ को पहिलो लेगको खेलमा टोटनह्यामका लागि बेलले एक गोल र एक असिस्ट गरेका थिए ।

उनले खेलको १३औँ मिनेटमा सन–हिउङ मिनको गोलमा पास मिलाएका थिए । यस्तै २८औँ मिनेटमा गोल गरेका थिए ।

सन् २०१३ पछि वेल्सका स्टार बेलले टोटनह्यामका लागि एकै खेलमा गोल र असिस्ट गरेका थिए । बेलले अप्रिल २०१३ मा म्यानचेस्टर सिटीविरुद्धको खेलमा गोल र असिस्ट गरेका थिए ।

त्यसयता उनले पहिलो पटक गोल र असिस्ट गरेका हुन् । उनले आठ वर्ष लाग्न दुई महिनाअघि एकै खेलमा गोल र असिस्ट गरेका हुन् ।

वुल्फसबर्गरविरद्धको जितसँगै टोटनह्यामले अन्तिम १६ को बाटो सहज गरेको छ । अब दोस्रो लेगको खेल २४ फेब्रुअरीमा टोटनह्यामको मैदानमा हुनेछ ।