प्रधानमन्त्री बताउनु हुन्छ :सञ्चारमाध्यमले निष्पक्ष भूमिका अझ प्रभावकारी बनाउनुपर्छ

फागुन ७ गते,काठमाडौं।

प्रधानमन्त्री केपी शर्मा ओलीले प्रविधिको विकासले सम्भव तुल्याएका बिभिन्न मञ्चको सही र मानवीय उपयोग गर्नुपर्नेमा दुरुपयोग भइरहेका अवस्थामा सञ्चारमाध्यमको अत्यावश्यक मुहान राष्ट्रिय समाचार समितिको औचित्य बढ्दै गएको बताएका छन्।

मुलुकको आधिकारिक सूचना प्रणालीको मेरुदण्डका रुपमा क्रियाशील रासस स्थापनाको ५९ औँ वर्ष पूरा गरी ६० वर्षमा प्रवेश गरेका अवसरमा शुभकामना दिँदै प्रधानमन्त्रीले नेपाल सरकारका तर्फबाट राससको संस्थागत विकास तथा व्यावसायिकताको प्रवर्द्धनमा उचित सहयोग भइरहेको र भविष्यमा पनि रहने प्रतिबद्धता व्यक्त गरेका छन्।

‘सञ्चार प्रविधि क्षेत्रमा तीव्र्र विकास भएसँगै नेपालको सञ्चार क्षेत्रमा पनि अभूतपूर्व विविधता देखा परेको यहाँहरु सबैलाई विदितै छ। सञ्चारको क्षितिज फराकिलो हुनाको साथसाथै विकृतिहरु पनि भित्रिएका छन् र यसले गर्दा हाम्रा सामु नयाँ नयाँ चुनौतिहरु उपस्थित भएका छन्। प्रविधिको विकासले सम्भव तुल्याएका थरीथरीका प्लेटफर्महरुको सही र मानवीय उपयोग गर्नुपर्नेमा प्रयोगकर्ताहरुबाट यसको दुरुपयोग भइरहेको तीतो सत्य पनि हामी भोगिरहेका छौंँ’, प्रधामन्त्री ले सन्देशमा भनिएका छन।

स्थिर सरकारमार्फत मुलुकको समृद्धि र जनताको सुखका लागि विकासका काम चौतर्फी रुपमा अघि बढिरहेका बेला त्यसमाथि व्यवधान पैदा गर्ने दुष्प्रयासहरु यसबीच नभएका होइनन्। भर्खरै बसेको विकासको जगलाई भत्काएर मुलुकलाई अस्थिरतामा लैजाने त्यस्तो दुष्प्रयासलाई अब सार्वभौमसत्ता सम्पन्न जनताको निर्णयद्वारा नै निस्तेज पारिनुपर्दछ’, सन्देशमा भनिएको छ।