२०७७ फागुन २ गते ।प्रमोद गिरी
सुर्खेत-संसद विघटनको विरोधमा आज कर्णालीका पत्रकारहरु सडकमा उत्रिएर आएका छन् । प्रदेशमा पत्रकारिता क्षेत्रका ८ वटा पेसागत संगठनहरुले आज आइतबार प्रदेश राजधानी वीरेन्द्रनगरमा पनि विरोध प्रर्दशन गरेका हुन् ।
प्रधानमन्त्री केपी शर्मा ओली नेतृत्वको सरकारले पुस ५गते गरेकोे संसद विगठन असंवैधानिक र प्रतिगामी कदम भएको भन्दै पत्रकारहरुले संयुक्त विरोध र्याली निकालेर प्रर्दशन गरेका हुन् ।
उनीहरुले ‘असंवैधानिक कदम खारेज गर, प्रेस तथा अभिव्यक्ति स्वतन्त्रताको रक्षा गर’, ‘संघीय लोकतान्त्रिक गनतन्त्र जिन्दावाद, प्रतिगमन मुर्दावाद, पेसागत एकता जिन्दावाद’, ‘राष्ट्रिय स्वाधिनताको रक्षा गर, प्रेसप्रतिको धम्की बन्द गर, संविधानको रक्षा गर,’ लगायत लेखिएका प्लेकार्डसमेत प्रर्दशन गरेका छन् ।
प्रेस संगठन नेपाल, नेपाल प्रेस युनियन, नेपाल प्रेस, प्रेस सोसाइटी नेपाल, क्रान्तिकारी पत्रकार महासंघ, संसदीय मामिला पत्रकार समाज कणर्ाली प्रदेश, राष्ट्रिय दलित पत्रकार संघ र नेपाल आदिवासी पत्रकार महासंघले संयुक्तरुपमा विरोध प्रर्दशन गरेका छन ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |