डाक्टरले मृत घोषणा गरेकी महिला चितामा जिवितै भेटिएपछी ……

चिकित्सकले मृत घाेषणा गरेकी एक वृद्ध महिला चितामा जलाउनै लाग्दा जिवित भेटिएकी छिन् । अर्जेन्टिनाकी उक्त महिलाकाे शरीर चितामा जलाउनै लाग्दा आमा जीवितै रहेको देखेपछि उद्धार गरिएको हाे।

८९ वर्षीया आमाले छाती दुखेको बताएपछि उत्तरपूर्वी शहर रेजिस्टेन्सियाको एक निजी अस्पतालमा शनिवार भर्ना गरिएको थियो । त्यसको भोलिपल्ट चिकित्सकहरूले छोरीलाई मृत्यु प्रमाणपत्र थमाए । हृदयघात भएर आमाको मृत्यु भएको जानकारी उनीहरूले दिए ।

आमाको शरीर दहन गर्नका लागि शवदाह केन्द्रका कर्मचारीले तयारी गर्दै गर्दा शरीर हलुका चलेको देखेपछि छोरीले दाहकर्म तत्कालै रोक्न लगाएकी थिइन् ।

स्थानीय प्रहरीले बतायो, ‘ती छोरीलाई चिकित्सकले मृत्यु प्रमाणपत्र दिएपछि उनले आमाको पार्थिव शरीर भेलेज सार्सफील्ड एभेन्युमा रहेको शवदाह केन्द्रमा लगेकी थिइन् । त्यहाँ शरीरलाई आगोमा प्रवेश गराउनै लाग्दा छोरीले शरीर हलुका चलेको देखिन् र कर्मचारीहरूलाई तत्कालै रोकिन आग्रह गरिन् ।’

त्यसपछि आमालाई एक निजी क्लिनिकमा लगियो र अहिले उनको सघन उपचार चलिरहेको छ ।

छोरीले आमालाई मृत घोषणा गर्ने क्लिनिकविरुद्ध कारवाही गर्न अधिकारीहरूलाई आग्रह गरेकी छन् । अधिकारीहरूले अनुसन्धान गर्ने प्रतिबद्धता व्यक्त गरेका छन् ।