उपप्रधानमन्त्री ईश्वर पोखरेलले सूर्य चिह्न केपी अोलीले नेतृत्व गरेको मूल नेकपासँगै रहने बताएका छन् । निर्वाचन आयोगको निर्णयपछि सूर्य चिह्नको विवाद सकिएको भन्दै पोखरेलले प्रचण्डलाई चित्त नबुझे अर्को दल दर्ता गर्न सक्ने बताए ।
उदयपुर कटारीमा आयोजित नेकपाको जनसभालाई सम्बोधन गर्दै पोखरेलले भने– ‘निर्वाचन आयोगले अध्यक्ष र महासचिब चिन्ने हो, चित्त नबुझे अलग भएर जुन पार्टी र जुन चुनाव चिन्ह लिए पनि हुन्छ ।’
पोखरेलले महाधिवेशनसम्म सहमतिमै जाने निर्णय भएकाले सहमति विपरित वहुमत र अल्पमतको धमास दिएर प्रचण्ड र माधव नेपालले पार्टी फुटाउन खोजेको आरोप लगाए ।
उनले निर्वाचन आयोगको फैसला नेकपाको फुटविरुद्ध रहेकाले प्रधानमन्त्रीमाथिको आरोपपत्र फिर्ता लिएर निर्वाचनमा सहभागी भए प्रचण्ड माधव नेपाललाई साथमै लैजान सकिने बताए ।
उपप्रधानमन्त्री पोखरेलले भूमिहीन, सुकुम्बासी र अव्यवस्थित बसोबासको उचित व्यवस्थापन वर्तमान सरकारको प्रमुख कार्यभार रहेको समेत बताए ।
