रोजगारीको सिलसिलामा मलेसिया गएका श्रमिकको मृत्युको कारण यस्तो छ ! २७५ नेपाली श्रमिकको मृत्यु

रोजगारीको सिलसिलामा मलेसिया गएका २७५ नेपाली श्रमिकले ज्यान गुमाएका छन् । २०२० को जनवरीदेखि डिसेम्बर अन्त्य सम्ममा विभिन्न कारण २७५ जना नेपाली श्रमिकले ज्यान गुमाएका छन।आत्महत्या, सडक दुर्घटना, विभिन्न कम्पनीहरुको भित्र दुर्घटना, विभिन्न स्वास्थ्य समस्या लगायतका कारणले नेपालीको मृत्यु भएको हो ।

मलेसियामा आत्महत्या गर्ने तथा सुतेकै अवस्थामा मृत भेटिने नेपालीको सङ्ख्या अलिक बढी रहेको छ ।२०२०को अक्टोबरपछि डिप्रेशन सेन्टरमा रहेका १३६ मध्ये १०० जनालाई नेपाल फर्काइएको र बाँकी रहेका ३६ मध्ये ३० जनाको गत डिसेम्बरमा उडान गर्ने तयारी गरिएको भएपनि कोरोनाका कारण अहिलेलाई यो कार्य स्थगित गरिएको छ।मलेसियामा ३ लाख ५० हजार नेपाली कार्यरत रहेको दूतावासले जनाएको छ ।