अखिल नेपाल महिला संघ इटहरीको अगुवा कार्यकर्ता भेला तथा प्रशिक्षण कार्यक्रम सम्पन्न भएको छ ।
भेलालाई नेकपाका केन्द्रीय सदस्यहरु भगवति चौधरी, लक्ष्मी गौतम, रेवतीरमण भण्डारी र अनेम संघकी केन्द्रीय सदस्य अमृता सुव्वाले सम्वोधन गर्नुभयो । अनेम संघ इटहरीकी अध्यक्ष भीमा सुव्वाको अध्यक्षतामा भएको कार्यक्रमका वक्ताहरुले सूर्य चिन्ह प्रधानमन्त्री केपी शर्मा ओलीले नेतृत्व गरेको नेकपामै आउने विश्वास ब्यक्त गरे । प्रधानमन्त्री ओलीले नृेतत्व गरेको पार्टीनै मूल प्रवाह भएको दावी गर्दै मूल प्रवाहमा संगठित भएर अघि वढन आग्रह समेत गरेका छन । रिजाल्स भिजन पार्टी प्यालेजमा भएको कार्यक्रममा इटहरीका उल्लेख्य महिलाको सहभागिता थियो ।सुनसरीमा प्रचण्ड समुहको बाहुल्यता कायम रहेको भनिएता पनि पछिल्लो समय पूर्व एमालेका नेता तथा कार्यकर्ताहरु ओली समुहमा खुल्दै आएका छन् । इटहरीमा ओली समुहको नेतृत्व गर्दै आएका रेवतीरमण भण्डारीले प्रचण्ड पक्षका नेता भीम आचार्य सुनसरीमा अलोकप्रियताका कारण नेताहरु ओली समुहमा खुल्न थालेको दाबी गर्नुभयो । उहाँका अनुसार इटहरीमा पूर्व एमालेका प्रायः सबै नेता कार्यकर्ता ओली समुहमै रहेको दाबी छ ।
