कांग्रेसका वरिष्ठ नेता रामचन्द्र पौडेललाई राष्ट्रपतिको अफर

नेकपाभित्रको विवाद चुलिदै गएका बेला अध्यक्ष पुष्पकमल दाहाल, प्रचण्डले नेपाली कांग्रेसका वरिष्ठ नेता रामचन्द्र पौडेललाई राष्ट्रपतिको अफर गर्नुभएको छ । शुक्रबार गोप्य रुपमा भएको भेटवार्तामा आफुहरुलाई साथ दिए राष्ट्रपतिको उम्मेदवार बनाउने प्रस्ताव गर्नुभएको खुलासा भएको हो ।

वरिष्ठ नेता माधवकुमार नेपालसहित भएको तीन जनाको भेटमा प्रधानमन्त्री केपी शर्मा ओलीविरुद्ध अविश्वासको प्रस्ताव र राष्ट्रपति विद्यादेवी भण्डारीमाथी महाअभियोग लगाउने तयारी भएकाले कांग्रेस भित्र माहौल बनाउन आग्रह गर्नुभएको स्रोतले जानकारी दिएको छ । प्रचण्डले देउवा ओलीसँग मिलेको आफुले बुझेको भन्दै उहालाई त्यता जान नदिएर हामीतर्फ मिलाए तपाईलाई राष्ट्रपतिको उम्मेदवार बनाउने आश्वासन दिनु भएको स्रोतले दाबी गरेको हो ।

गृहजिल्लामा भारी मतले नेकपाका नेता किसान श्रेष्ठसँग पराजित भएपनि पुल उद्घाटनमा विशेष चासो राख्ने पौडेलले सो प्रस्ताव स्विकार गर्नुभएको थियो । उहाले संसद विघठनसँगै देउवालाई जसरी पनि नियन्त्रण गर्नुपर्ने भन्दै आफ्नो पक्षमा विगतदेखी लाग्दै आएका गगन थापा लगायतका नेतालाई सडक उतारिसक्नु भएको छ । एक व्यापारीको घरमा भएको भेटका विषयमा दुवै पक्षले केही पनि बताएका थिएनन् ।

पौडेलले देउवालाइ साथ लिन खोजेपनि आइतवार बसेको पदाधिकारीको बैठकले विघठन फिर्ता गर्नुपर्छ भनेर कुनै निर्णय गरेको छैन । कांग्रेसले आफुहरु लोकतन्त्रवादी भएको र निर्वाचनबाट भाग्न नसक्ने भन्दै केन्द्रीय समितिबाट थप निर्णय गर्ने बताएको छ । कांग्रेसले मंगलबार केन्द्रीय समिति बैठक बोलाएको छ ।

Related Posts

Leave a Reply

Your email address will not be published. Required fields are marked *