प्रचण्डको आदेशबिना केही काम गर्दिन्न : सभामुख सापकोटा

सभामुख अग्निप्रसाद सापकोटाले संसदीय इतिहासमै कालो धब्बा पोतेका छन । संबिधानअनुसार चल्नुको साटो आफ्ना युद्ध कमाण्डर पुष्पकमल दाहाल, प्रचण्डको आदेश नै संबिधान भन्ने निर्णयका साथ सभामुख सापकोटा संबैधानिक परिषदको बैठक बहिष्कार गरी लोकतन्त्र र संसदीय इतिहासमै कालो धब्बा बनेका हुन् ।

संबैधानिक परिषदका अध्यक्षका हैसियतमा प्रधानमन्त्री केपी शर्मा ओलीले आज बोलाएको संबैधानिक परिषदको बैठक सभामुख सापकोटाले प्रचण्डको आदेशमा बहिष्कार गरेका छन् । सभामुख कुनै दलको सदस्य हुन नहुने संबैधानिक प्रावधानअनुसार निर्वाचित भएलगत्तै सापकोटाले नेकपाको स्थायी कमिटी सदस्इबाट राजीनामा दिएका थिय । सभामुख दलको सदस्य हुन नमिल्ने, स्वतन्त्र हुनुपर्ने भएकै कारण पार्टी जिम्मेवारीबाट मुक्त हुनुभएका सभामुख सापकोटा आजबाट नेकपाको प्रचण्ड–माधव नेपाल समुहको सदस्यका रुपमा आफूलाई परिचित गराएका छन ।

संबैधानिक परिषदको बैठकमा उनले गुटले नजा भनेपछि कसरी सहभागी हुने भन्दै बहिष्कार गरेका छन । उनलाई नेकपा अध्यक्ष प्रचण्ड र बरिष्ठ नेता माधव नेपालले संबैधानिक परिषदको बैठकमा नजान आदेश दिएका थिए । सोही आदेशअनुसार सभामुख सापकोटाले आजको बैठक बहिष्कार गरेकाहुन् । बिपक्षी दलका नेता तथा कांग्रेस सभापति शेरबहादुर देउवा बैठकमा सहभागी हुँदा नेकपाबाटै उम्मेद्वार बनेर सभामुख निर्वाचित सापकोटा भने आफ्नो गुटको कारण बहिष्कारको निर्णयमा पुगेका हुन् । संसदीय इतिहासमा आफ्नै दलका अध्यक्ष प्रधानमन्त्री हुँदा सभामुखले संबैधानिक परिषदको बैठक बहिष्कार गरेको संभवत यो नै पहिलो पटक हो ।

बैठक बहिष्कार गरेको बिषयमा केही सांसदहरुले सभामुख सापकोटासँग जिज्ञासा गर्दा ‘प्रचण्डको आदेशबिना केही काम नगर्ने’ निर्णय सुनाएका छन ।

Related Posts

Leave a Reply

Your email address will not be published. Required fields are marked *