एक दिनमा ४० वटा अण्डा, ८ घण्टा जिमः यसरी बाहुबलीको भल्लालदेव बने राणा दग्गुबाती

साउथ सुपरस्टार राणा दग्गुबाती १४ डिसेम्बरमा आफ्नो जन्मदिन मनाइरहेका छन् । उनको एउटा लामो फिल्मी यात्रा छ, उनले थुप्रै उत्कृष्ट फिल्ममा काम पनि गरे । उनलाई थुप्रै अवार्डबाट सम्मानित पनि गरियो । तर पनि राणालाई धेरैले भल्लालदेवको रुपमा याद गर्छन् । देशको सबैभन्दा सफल फिल्म बाहुबलीको एक सशक्त भूमिका भल्लालदेव पात्र आज पनि सबैको मनमा ताजा छ । फिल्ममा बाहुबली बनेका प्रभास मुख्य भूमिकामा थिए । तर राणा बिना यो फिल्मबारे कसैले सोच्न पनि सक्दैनन् ।

कसरी तयार भए भल्लालदेव ?

भल्लालदेव बन्नका लागि राणाले निकै मिहिनेत गरेका थिए । उनले यति लगनबाट काम गरे कि उनले यो फिल्मको तयारीको क्रममा आफ्नो शरीरलाई शारीरिक रुपमा निकै तगडा बनाउनुपर्यो ।

भल्लालदेवको भूमिकाका लागि राणाले दैनिक ४ हजार क्यालोरी लिनुपर्दथ्यो । यति ठूलो इनटेकका लागि नायकले एकदिनमा ४० वटा अण्डा खान्थे । यसबाहेक उनी जिममा दैनिक ८ घण्टा पसिना पनि बगाउँथे । एक साधारण व्यक्ति दैनिक तीनपटक मात्र खाना खान्छन् तर भल्लालदेव बन्नका लागि राणाले एक दिनमा ८ पटक खाने गर्दथे । हरेक दुई घण्टामा भात पनि खाने गर्दथे ।

नायकका अनुसार यो भूमिकाका लागि उनले आफ्नो तौल सय किलोसम्म गरेका थिए । यत्तिको तौल भएका मानिसहरुको पेट पुक्क बाहिर निस्कने गर्दछ तर राणाले आफ्नो शरीरमा यति मिहिनेत गरेका थिए कि उनले आफ्नो शरीरमा मांसपेशीमात्रै बढ्न दिए ।

राणाको फिल्मी यात्राः

हुन त राणा दग्गुबातीले बलिउडका थुप्रै फिल्ममा काम गरेका छन् । उनले बिपाशा बसुसँग पनि फिल्म गरेका छन् र उनले अक्षय कुमारसँग पनि स्क्रिन सेयर गरेका छन् । उनले बलिउडमा कम समयमा नै विभिन्न भूमिका निर्वाह गरेका छन् । साउथमा त उनले भिन्न झण्डा गाडेका छन् । भल्लालदेवले कोरोना कालमा विवाह पनि गरेका छन् । उनले मिहिका बजाजसँष् विवाह गरेका छन् ।

Related Posts

Leave a Reply

Your email address will not be published. Required fields are marked *