बेलायतमा कोरोना विरुद्धको खोप दिन सुरु, ९० वर्षकी महिला पहिलो प्रयोगकर्ता

२३ मंसिर, काठमाडौं । बेलायतले कोरोना भाइरस (कोभिड–१९)श विरुद्धको सार्वजनिक खोप कार्यक्रम सुरु गरेको छ । यो कार्यक्रमको सुरुवातमा मंगलबार उत्तर आयरल्याण्डकी ९० वर्षीया महिलालाई पहिलो कोरोना खोप दिइएको हो ।

एन्निसकिलेनकी मार्गरेट कीनानले उक्त खोप पाएकी हुन् । उनले कोरोना खोप लगाउन पाउँदा निकै खुसी लागेको बताइन् । बेलायतले कोरोना खोप सबैभन्दा पहिला ८० वर्षभन्दा बढी उमेरका मानिसहरु र स्वास्थ्य तथा स्याहार केन्द्रमा काम गर्ने कर्मचारीहरुलाई प्रदान गरिने बताएको छ । बेलायतले सबैभन्दा पहिला अति जोखिमपूर्ण समूहलाई यो खोप लगाउने र जनजीवन सामान्य अवस्थामा फर्काउने तयारी गरिरहेको छ । यद्यपि बेलायतमा खोप लगाउनु अनिवार्य भने हुनेछैन ।

स्रोत : बीबीसी

Related Posts

Leave a Reply

Your email address will not be published. Required fields are marked *