नेपाल कम्युनिष्ट पार्टी (नेकपा) प्रदेश १ को संसदीय दलले मुख्यमन्त्री शेरधन राईको विरुद्ध अविश्वासको प्रस्ताव दर्ता गर्ने प्रदेश सांसदहरुलाई स्पष्टीकरण पेश गर्न निर्देशन दिइएको छ ।
सोमबार दलका प्रमुख सचेतक बुद्धिकुमार राजभण्डारीले अविश्वासको प्रस्ताव पेश गर्ने सांसदहरुलाई तत्काल प्रस्ताव फिर्ता गरी २४ घण्टाभित्र स्पष्टीकरण पेश गर्न निर्देशन दिएका हुन् ।
संसदीय दललाई जानकारी गराउनु भन्दा पहिले नै संसद सचिवालयमा ३७ जना सांसदहरुले आइतबार मुख्यमन्त्री शेरधन राईको विरुद्धमा अविश्वास प्रस्ताव पेश गरेको भन्दै सचेतक राजभण्डारीले हस्ताक्षर गर्ने संसदहरुलाई स्पष्टीकरण सोधेका हुन् ।
संसदीय दलमा छलफल नगरी पहिले नै प्रदेश सभा सचिवालयमा प्रस्ताव दर्ता गरेकोले प्रस्ताव फिर्ता सहित स्पष्टीकरण पेश गर्न हस्ताक्षर गर्ने संसदलाई पत्र पठाएको प्रमुख सचेतक बुद्धिकुमार राजभण्डारीले जानकारी दिए ।
नेपालको संविधान, राजनीतिक दल सम्बन्धी ऐन, प्रचलित कानुनी ब्यवस्था तथा पार्टीको संसदीय दलको बिधान २०७६ को भाग ६ दफा २४ को (क) (ख) (ग) (च) (छ) आकर्षित भई बिधानको दफा २६ (ग) को देहाय ९१० ९२० ९४० र ९५० बमोजिम संसदहरुलाई स्पष्टिकरण सोधिएको भण्डारीको दावी छ ।
उनले पत्रमा २४ घण्टाभित्र उक्त अबिश्वासको प्रस्ताब फिर्ता गरी लिखित स्पष्टीकरण पेश संसदियदलमा पेस गर्न निर्देशन दिएका छन् ।
२४ घण्टा भित्रमा चित्तबुभ्दो स्पष्टीकरण नदिए संविधान, राजनीतिक दल सम्बन्धी ऐन, कानून र दलको बिधान बमोजिम कारवाही गर्ने सचेतक भण्डारीले चेतावनी समेत दिएका छन् ।
प्रदेश १ सरकारका मुख्य मन्त्री शेरधन राईविरुद्ध माधव–प्रचण्ड समूहका ३७ संसदले आइतबार संसद सचिवालयमा अविश्वासको प्रस्ताव पेस गरेका थिए ।
