भक्तपुर जिल्लाको मध्यपुर थिमि नगरपालिका एसियन टाउनस्केप अवार्डबाट पुरस्कृत भएको छ । मध्यपुर थिमि नगरपालिकालाई ऐतिहासिक तथा साँस्कृतिक सम्पदाहरुको पुनर्निमाणको काम गरे बापत यो पुरस्कारले प्रदान गरेको हो ।युएन हेबिट्याटका एशिया प्यासिफिक क्षेत्रिय कार्यालयले गत अगष्टसम्ममा नगरपालिकामा ऐतिहासिक तथा साँस्कृृतिक सम्पदाहरुको पुनर्निमाणको कामको प्रगतिको समिक्षा गर्दै यो अवार्ड प्रदान गरेको छ ।अवार्ड प्राप्त भएको उपलक्ष्यमा बुधवार पत्रकारहरुलाई जानकारी दिदैं नगर प्रमुख मदन सुन्दर श्रेष्ठले यो अवार्ड कार्यक्रममा एसियाका १२ देशका बिभिन्न शहरहरुलाई पनि प्रदान गरेको जानकारी दिए । यो अवार्ड प्राप्त गर्नेहरुमा दक्षिण कोरियाको ४ वटा नगरपालिका, जापनका ३ वटा नगरपालिका, चिनको २ वटा नगरपालिका, थाईल्याण्ड, मलेसिया र नेपालको १,१ वटा नगरपालिका छन् ।
उनले कार्यक्रममा १३२ वटा नगरपालिकाहरुको सहभागिता भएकोमा १२ वटा नगरपालिकाले मात्र जित्न सफल भएको जनाए । मध्यपुर नगरपालिकालाई सँस्कृतिक र सम्पदा संरक्षण अन्तर्गत विजयी गरेको जानकारी बताए। नगरप्रमुख श्रेष्ठले सम्पदा निर्माणमा छिटो र राम्रो काम गरेको कारण यो पुरस्कार पाएको जनाए ।
नगरपालिकाभित्र ५ वटा पोखरी, ९ वटा मन्दिर, २० वटा ढुङ्गे धार, २५ वटा पाटीपौवा पुर्णनिर्माण भइसकेको छ भने २ वटा पार्क बनिसकेको छ ।
